النكته الاولى:

قلك كاين واحد جاهل يمشى في الخلاء لقا فانوس بعدما حكو خرجلوا مارد قالو جبيك لبيك المارد بين اديك

اطلب قلوا الجاهل احتاج كل الناس تحتاجني قام المارد ورجو des unité نتاع البورتابل

النكته الثانية:

قلك
هذا الجاهل شرى سيارة بمفتاح واحد ملا مرة هبط منها وقفل على المفتاح
مالقاش حل جاب واحد فتحلوا الباب بالمساك نتاع الشعر ملا هو راح دار دوبل
على المساك

النكته الثالثة:

قالك
طبيب مجانين عاين واحد مجنون طرح عليه سؤال قالوا :انا لوكان كتبت رسالة
وبعثتها لواحد وكتبت في العنوان الى اكبر مغفل في العالم لمن تروح قالوا
المجنون ترجعلك

النكته الرابعة:

قلك
واحد جاهل عندوا الدراهم وين يقلولو كاينا طموبيل جديدة الا وشراها مالا
جماعة يحبوا يضحكو عليه وجابلوا اقدم سيارة في العالم ما فيها لا فرنات لا
والو وقالولو هذي السيارة كما تسوقها تروح الفضاء

شراها هو وراح
سياها دار حادث دخل في كاميو الاطباء رايحين ديرولوا عملية في وسط العملية
فاق لقا الاطباء لابسين كمامة على فمهم ولا حاجة من وجوهم بانت حسب روحوا
وصل الفضاء حكم قال للاطباء مرحبا بكم ان اخوكم العربي من كوكب الارض

النكته الخامسة :

مرة واحد جاهل اتزوج بوحدة ولدت بعد 3 شهور حلف يقتلها
قالتله رواح نحسبوها أنت شحال عندك من لي تزوجت ؟
قالها 3
قالتله وانا شحال عندي من لي تزوجت؟قالها 3
قالتله واحنا شحال عندنا من لي تزوجنا؟قالها 3
قالتله 3و3و3 يساوي 9
قالها صدق اللي قال العلم نور

النكته السادسة:

سأل
ولد أبوه : بابا كيفاش نعرفوا بلي واحد راه سكران. قالوا أبوه : شوف يا
ولدي ..هذوك الزوج شجرات يشوفهم السكران أربعة شجرات. دار الولد و شاف بصح
شاف غير شجرة وحدة !!!!!