كيفية تركيب الاطقم للبرو 6 l شرح تركيب الاطقم بالكيت سيرفر للمبتدئين Pes 6

الإثنين يوليو 18, 2011 10:28 pm

النهارده هنشرح كيفية تركيب الاطقم فى البرو 6

اولا علشان تركب الاطقم لازم يكون عندك برنامج الكيت السيرفر و لو مش عندك حمله من الرابط التالى

http://usershare.net/cbyyy61n8dh0

حمل الماب

http://usershare.net/t8zlf4vabd1g

بعد ما تحمل الكيت سيرفر و تفك ضغطه انقله لداخل فولدر اللعبة

خد بالك و أتأكد من عدم وجود فولدرين داخل بعض بنفس الاسم يعنى زى كده

kitserver\kitserver

و ده بيحصل نتيجة فك الضغط فلازم تاخد بالك و برده نفس الموضوع ساعة ما تحمل باتش او طقم لان لو وضعت الكيت سيرفر او

اى اضافة داخله و هى موجوده داخل فولدرين بنفس الاسم مش هتشتغل بسبب الخطأ ده

بعد كده الاطقم بيتم وضعها فى المسار التالى

kitserver\GDB\uni

المفروض داخل فولدر Uni تلاقى فولدرات فاضية و انا هشرحها دلوقتى و لو الفولدر مش موجود اعمله بنفسك بنفس الاسم الموجود فى الشرح و الفولدرات دى كالاتى

National : بيتم وضع جميع اطقم المنتخبات فيه ماعدا المنتخبات الكلاسيكية

Classic : خاص بالمنتخبات الكلاسيكية

EPL : فرق الدورى الانجليزى

Ligue 1 : فرق الدورى الفرنسي

SerieA : الدورى الايطالى

Eredivisie : الدورى الهولندي و لو مركب باتش الدورى المصري هيكون اسم الفولدر Egyptian League و فيه الدورى المصري

Primera Division : الدورى الاسباني

Other A : فرق مختلفة

Other B : فرق مختلفة

Bundesliga : الدورى الالمانى

طيب حملت الطقم و عاوز تركبه , تعمل ايه ؟

الأول تحطه فى الفولدر الخاص بالدورى بتاعه

و بعدين تعمل ملف تكست فى فولدر Uni و يكون اسمه map.txt و تفتح الماب الى حملتها و تخد السطر الخاص بالفريق و تحطه

فى الماب الجديده و تقفله و تعمل Save

يعنى مثلا لو اضافة طقم برشلونة هتفتح الماب الى حملتها و تبحث عن برشلونه و هتجدها فى الدورى الاسبانى و هتحدد السطر الخاص بيها

143,"Primera Division\Barcelona"

و تعمله كوبي و تحطه فى ماب الاطقم

طيب ينفع استخدم الماب الى انا حملتها مباشرة ؟

ينفع طبعا بس الفرق الى هتركب ليها اطقم هتشتغل تمام

باقى الفرق الموجوده فى الماب و لم يتم وضع اطقم ليها هتبوظ اطقمها لذلك لازم تضيف الفرق فى

الماب بشرط

تكون وضعت ليها اطقم و لازم يكون اسم فولدر الطقم نفس اسمه فى الماب لان ممكن تحمل طقم

لبرشلونه و يكون اسم الفولدر Barcelona CF لكن الاسم فى الماب Barcelona هتحط الطقم و مش

هيشتغل و تقول طبقت الشرح علشان كده لازم تاخد بالك لان شىء بسيط هيخلى الاضافة متشتغلش

سواء كانت طقم او وجه او قصة شعر او غيره و كمان لازم تتأكد من الطقم مش داخل فولدرين بنفس

الاسم ( تم ايضاحها سابقا ) و هقولك ازاى تعمل ماب بنفسك

تعمل ملف تكست و يكون اسمه map.txt بعد كده تضيف الفريق فيه زى الطريقة دى

كود PHP:

رقم الفريق ,"اسم فولدر الطقم\اسم فولدر الدوري"
143,"Primera Division\Barcelona"

طبعا كل فريق او منتخب ليه رقم ID و علشان اوضحلكم الرقم ده

كتبت ارقم بعض الفرق عليها و الاسهم بتوضح اتجاه الارقام و تقدر تعرف الاتجاه من اول صورة و خد بالك

الرقم مرتبط بالمكان يعنى مثلا منتخب Belgium رقمه واحد لو انا عملت باتش حط منتخب اخر فى

المكان ده يبقى المنتخب الجديد رقمه 1 و تقدر تستعمل الرقم فى الماب

الصورة الاولى لايضاح الارقام و طريقة معرفة رقم الفريق

اتمني تعجبكم طريقة الشرح دي وتفيدكم كلكم

الجمعة يوليو 22, 2011 2:49 pm

جااااااااااامد واصل يا مبدع

» ممكن كيفية تركيب الشعارات فى الكيت سيرفر
» الشرح المفصل جداااااا لكيفية تركيب اطقم Pes 6 الاطقم المنفصلة + الاطقم الكامله
» اسهل طريقه لتركيب وجوه pes2006 بالكيت سيرفر
» شرح كيفية تركيب اى باتش للبيس 6 متجدد
» فديو توضيحى كيفية تركيب اى باتش ببرنامج DKZ

كيفية تركيب الاطقم للبرو 6 l شرح تركيب الاطقم بالكيت سيرفر للمبتدئين Pes 6

كيفية تركيب الاطقم للبرو 6 l شرح تركيب الاطقم بالكيت سيرفر للمبتدئين Pes 6

مواضيع مماثلة

مواضيع مماثلة